Сарапшылар Green Astana-2025 конференциясында Астананың абаттандыру мен көгалдандыруды талқылайды
Қазақстан астанасын «қала-баққа» айналдыру және Астана аумағын көгалдандыру тұжырымдамасын жүзеге асыру бойынша Мемлекет басшысының тапсырмасы аясында Flora Expo Astana 2025 көрмесі шеңберінде Green Astana-2025 қоғамдық кеңістіктерін абаттандыру және көгалдандыру бойынша халықаралық тәжірибелік конференциясы өтеді. Бұл ауқымды шара қаланы көгалдандыру мен абаттандырудың өзекті мәселелерін талқылауға, тәжірибе алмасуға, сондай-ақ жайлы әрі экологиялық тұрақты қоғамдық кеңістіктерді құруға заманауи әдістерді енгізуге арналған басты алаңға айналады.
Конференция тақырыптары
Конференцияда қазіргі заманғы ландшафт дизайны, саябақ және бақ құрылысындағы маңызды аспектілер мен қоғамдық кеңістіктерді абаттандыру мәселелері қарастырылады. Қатысушылар келесі мәселелерді талқылайды:
қалалық аумақтарды жобалау және көгалдандыру;
ландшафт архитектурасындағы заманауи технологиялар мен тәсілдер;
жасыл желектерді күтіп ұстау және қорғау;
Қазақстанда және шетелде жасыл жобаларды жүзеге асырудың сәтті тәжірибелері.
Негізгі баяндамалар тақырыптары:
"Қалаларды абаттандыру және көгалдандырудағы заманауи тәсілдер. Перспективалар мен трендтер" Роман Шнайдерман, архитектор, Орталық Азия өсімдік питомниктері қауымдастығының басқарма мүшесі.
"Қазақстанның жасыл саласын дамыту. Сын-қатерлер мен міндеттер" Ерлан Оспанов, «Jardin Design & Production» акционері.
"Адамдарға арналған қала: жайлы қалалық ортаны құрудағы абаттандыру мен көгалдандырудың рөлі. Әлемдік тәжірибе" Халықаралық сарапшы (келісу сатысында).
"Астанада жаңа қоғамдық кеңістіктерді құру және көгалдандыру. Іске асырылған және перспективалық жобалар" Елнар Базыкен, Астана қаласы Урбанистика орталығының басшысы.
"Қалалық ортада көгалдандыру: Алматы мен Астана қалаларының мысалдары" Наталья Постоева, «Подсолнух» ландшафт шеберханасы.
"Тұрғын үйлер мен аулаларды көгалдандырудағы табысты тәжірибелер мен жаңа трендтер" Сарапшы (келісу сатысында).
"Қалалық кеңістіктерді көгалдандыруға арналған көпжылдық өсімдіктер" Владислав Ковальчук, Өсімдік материалдарын өндірушілер қауымдастығының мүшесі (Ресей).
"Қалалық ортадағы жасыл желектерді күтіп ұстау және қорғаудың өзекті мәселелері" Нұржан Мұхамадиев, Өсімдіктерді биологиялық қорғау бөлімінің меңгерушісі, Қазақ өсімдіктерді қорғау және карантин ҒЗИ.
Кәсіпқойлар үшін ерекше алаң
Конференция жетекші сарапшыларды, девелоперлерді, жобалаушыларды, құрылысшыларды және мемлекеттік органдардың өкілдерін біріктіреді. Бұл шара білім алмасу, трендтерді талқылау және Қазақстан қалаларының көгалдандыру мен абаттандыруына инновациялық шешімдерді енгізу үшін ерекше мүмкіндік береді.
Спикерлер құрамы мен қатысу
Ұйымдастырушылар спикерлер құрамы мен баяндамалар тақырыптарын өзгерту құқығын өзіне қалдырады.
Конференцияға Flora Expo Astana көрмесіне тіркелген барлық тілек білдірушілер қатыса алады. Тіркеу 2025 жылдың қаңтар айының ортасында ашылады.
Спикер ретінде қатысқыңыз келсе, Flora Expo Astana көрмесінің директоры Күлбағира Қалиеваға хабарласыңыз: